أنا كائن يملئني الحب ....أو اللاحب ...بلا كراهية

صورتي
amman, jordan
قليل من كل شيء,,,,تجارب ,,,خبرات,,,,الالام ,,,أفراح ,,مسرات ,,,ايام مضت ,,سنين جرت معهاسنين,,,,,راضيه عن نفسي ,,,ارجو رضى الله.................... تجاربي وخبراتي دفعت ثمنها سنين العمر ..ولا أدري هل أستفدت ام لا ...أنا مجرد هنا ,,,,,,,,,,,,,,,,,,,,,,,,,,,,,,,,,,, Do just once what others say you can't do, and you will never pay attention to their limitations again. James Coo

الثلاثاء، ديسمبر 27، 2011

لحظة عمر

في لحظه اقل من ثانيه توقف العالم امامها ....لحظه واحده أعادتها الى عالم الواقعيه ...شدتها من تلك الاحلام الاخطبوطيه ...والتوهان الضبابي ...الذي ابقاها في دوامات من التوهان ...الذي كان يبدو انه لن يوصلها لشيء الا الجنون ......
قال لها تعبان كتير اتصلي بالدكتور وأساليه شو نعمل ؟؟؟
ركضت الى دفتر التلفونات وبحثت عن رقم الطبيب وعادت تحمله لتجد أنه قد دخل الى الحمام....قالت له لا تغلق الباب بالمفتاح .....وعادت لتتصل بالطبيب ....عندها سمعت تلك الخبطه المدويه .....تسائلوا جميعا ما هذا الصوت ؟؟؟؟
في الشقه فوق ؟؟؟
لالالالالالالالالالالالالالالالالالالالالا
في الحمام ركضت سريعا ...لتجده ملقا على البانيو مغمى عليه وبدون حراك ...يا الهي ...ماذا يحصل ؟؟؟هل سيموت ؟؟هل هي جلطه .؟ماذا افعل ؟؟؟ماذا سيحصل الان ...جرته هي وابنها من الحمام ممدد لا يتحرك ...ابدا لم تتوقع يوما ان يحصل هذا الموقف ولم تتخيل ان تفقده بلحظه واحد ه
حبيبي حبيبي يا رب يا رب ...لا اله الا الله محمد رسول الله 
كان همها ان ينطق الشهاده ...هو سيموت حتما 
انطق الشهاده قل لا اله الا الله 
كانت تريد ان تطلب منه ان يسامحها....ولكنها انتظرت قليلا وتريثت نطق الشهاده واستعان بالله وقال يا رب وأفاق من غيبوبته 
رفض ان يطلبوا الدفاع المدني 
وجدت نفسها تحضنه وتضمه الى صدرها كما تمنت دوما وتقول 
الله يخليلي اياك يا رب 
انته ستري وغطاي انته بعد ربنا كل ناسي واحاط الاولاد بوالدهم يعانقونه ويقبلونه 
شاكرين الله على نعمه وجوده بينهم 
لا شيء مثل الاب في الدنيا 
قالت لي بعد تلك الحادثه افقت من كل شيء وعلمت ان وجوده معي هو اهم شيء بالحياة 
ليس فقط لأنه يحمل كل هموم البيت على رأسه 
لا ولكن لأنه زوجي حبيبي ستري وغطائي 
وانا سكنه وأقرب مخلوق له 
الحمدلله هناك كنوز نملكها ولا نعرف قيمتها ...هل ننتظر ان نفقدها حتى نبكي عليها ؟؟؟
فلنستمتع بحياتنا كما هي وبكل ما فيها من نواقص 
قدر الله وما شاء فعل 
ولا زلت ارتاح عندما اتذكر دوما أن الله لطيف بعباده 

هناك 19 تعليقًا:

Em Ommar يقول...

مزنخك
:((


فعلن منعرفش قيمة الإشي إلا بس يجي وقت فقدانه
يارب ما نفقد لا عزيز ولا غالي
ياااااااااااااااارب

kholood يقول...

أهلين ام عمر ....
نورتي يا حلوة
الله يخليلنا حبايبنا الي ما بنعرف انهم حبايبنا الا بعدين
فليش نخلي بعدين يتحكم فينا ليش نحنا ما نتحكم فيه

Em Ommar يقول...

طب سوعال منطقي؟؟
إنتي وين غاطسه

سوعال سخيف؟
بتكرهيني؟؟

نيسآان يقول...

أم عمر وينك؟ راحوا عليكِ المعجنات ,,,بس لا تتحسري كتير...السينابون انحرق شويتين لول وانا باخذ وبعطي معك في القلل والبيع والشراء هههههههههه بس برضو طلعوا زاكيين
....خطيتك لاني غظتك فيهم....سامحيني
وحصتك محفوظه ايمتى ما بدك :p

مدام خلوووووود...ايش العبره؟ يعني بدي اضل استنى لما انجلط واوقع في الحمام ؟!!!!!!!!

Em Ommar يقول...

ماااااااااا بسامحك يا نيسانه إلا ت أستلم حصتي من الكعك والمعجنات والزواكي
سلة كبيييييييييييره كمان
DREAM:


وبعيد الشر عن قلبك يارب,, لا أكيد إنتي غاليه بدون هالواسطه

بس فكرك,, ليش مختفيه هيه كل هالفتره هاي؟؟

وبتيجي بتزت كلمه وبتروح
فكرك سبات شتوي؟؟؟؟؟؟

نيسآان يقول...

يختي هاي من جماعة الفيسبووك ...دوامها هناك رسمي... لما تزهق منهم بتيجي هون اجازه ...

Em Ommar يقول...

أهاااااا

ذاتس واي
ممممممممممممم

يعني رح نصير شللل هون؟؟ شلة فيس وشلة بلوغر؟؟

يا للعار,, راحت عليّ

نيسآان يقول...

بالضبط ... ما تنسي شلة التويتر و شلة الجووجل+ ...والله اعلم شو بيطلعنا كمان ......

Em Ommar يقول...

ياحوينة كعكاتك يا إم عمر
مع مين بدك تتهاوشي وتتطاوشي بعدين؟
رح ترجعي تحكي مع حالك
له له

وياحادي الركب سلملي على خورفكان
فوت جوا ولاه
الله يسهل عليها ساميه الجزائري شو بتشبهني وشو بشبهني تحسين وتشرين

تسوء تسوء

نيسآان يقول...

له له يا ام عمر !!!
وين رحت انا يا حبيبتي؟
والله ما ببدل البلوغر بألف فيسبوك وتويتر ولا كل هالحكي الفراطه .....وراكي وراكي حتى آخر كعكه :)

Em Ommar يقول...

يسلمولي معجناتك وتبولاتك و سينابوناتك ياااا حـــــئ

نيسان,,
رح ننطر من هون وتكحشنا خلود بمكنسة شرشبيل إلي عندها وإلا كيف؟؟؟؟

نيسآان يقول...

ليش تكحشنا؟
لازم تشكرنا عملنالها حركه بدل الكساد اللي ضارب المدونه ....الحركه بركه

kholood يقول...

المثل.....بيقول مقعد مريتين بيخرب قريتين
طيب احكوا خبروا زمروا .....ايشو هاظ
وحدة تجيب صحن سينابون ووحده تجيب كعك بعجوة وانا باعمل احسن كاسة شاي
قاعدات لابدات لا شغله ولا عمله وانا هاده حيلي عالفيس بوك بطاحش هناك متل العجلة

وهاتولي هالجفت وحدا يزتلي الطربوش ...ما صاده نسي عاقلة العاده
بس والا لك انا شيخ الصياده
شو اتصيدتوا ...ما في شي ...مش هيأتكم صياده

وطيري طيري يا عصفوره
يلا كش كش كل واحد لبيته ......
والله نسوان فاضيات للرغي
يا دووب انا برغي بمدونتي وانتو بدك مكان فاضي تطقوا حنك فيه وكمان بتحكوا عليه
اشوفكم بالفيس بوك يا فاشلات الفيس بوك ما قدرتوا تثبتوا هناك هربتوا هون
هون شاطرات وهناك مش شاطرات
كل واحد بينام على الجنب الي بيريحه

kholood يقول...
أزال المؤلف هذا التعليق.
sheeshany يقول...

الله يخليلنا حباينا :) ، جميعاً

Em Ommar يقول...

أول حلقه ست بطيخه معنديش فيس بوك,,
وهاذا يدل على إنك مش متبعه لأخباري
وأصلاتن ناسياني

تاني حلقه ,, خلينت الفيس بووك إلك
لوووول,, حاسه حالي مارك المؤسس

نيسان,, تعي نشوفلنا مكان إنطق حنك فيه
وما ننطر وينطلب منها إنه نجيب ضيافتنا معنا

تسوء,,تسوك

نيسآان يقول...

معلش ام عمر
خلود قلبها كبير وبيتها واسع ومدونتها فاضيه ههههههه بنقعد هون وبنشعل الصوبه و بندفيلها اياها:)

kholood يقول...

كال بيكولوا ....انو الواحد ما بيعتب الا عا حبيبو
بهديتش هالاشعار الحلوة
إِذا المَرءُ لا يَرعاكَ إِلّا تَكَلُّفاً فَدَعهُ وَلا تُكثِر عَلَيهِ التَأَسُّفا
فَفِي النَّاسِ أبْدَالٌ وَفي التَّرْكِ رَاحة ٌ وفي القلبِ صبرٌ للحبيب ولو جفا
فَمَا كُلُّ مَنْ تَهْوَاهُ يَهْوَاكَ قلبهُ وَلا كلُّ مَنْ صَافَيْتَه لَكَ قَدْ صَفَا
إذا لم يكن صفو الوداد طبيعة ً فلا خيرَ في ودٍ يجيءُ تكلُّفا
ولا خيرَ في خلٍّ يخونُ خليلهُ ويلقاهُ من بعدِ المودَّة ِ بالجفا
وَيُنْكِرُ عَيْشاً قَدْ تَقَادَمَ عَهْدُهُ وَيُظْهِرُ سِرًّا كان بِالأَمْسِ قَدْ خَفَا
سَلامٌ عَلَى الدُّنْيَا إذا لَمْ يَكُنْ بِهَا صديق صدوق صادق الوعد منصفا
وويلك يلي اتعادينا يا ويلك ويل
هي الحرب أذاً؟؟؟؟؟؟؟

yosef يقول...

كل عام انت واحبتك بألف خير؛