شو نعمل

إزا حكينا بيقولوا بيتفلسفوا ........وازا ما حكينا بيقولوا جبناء 

مش عارفه على الحالتين بالعين الموس .....والله بيعين 

الى متى ؟

أنا بقول انو الوضع صار خطير كتير كتير 

يعني كتير مهم انو الولد يدرس ويراجع ونستنفر كل شي عشان يركز بدراستو بس الصلاة مو مهمه 

كتير مهم ياكل اكل صحي ...بس مو مهم كتير انو يحفظ ويقرء الاذكار كل صباح ومساء 

كتير مهم انو بيعرف يقلد فلان من الناس بالرقص والحكات بس مو مهم انو بيعرف يقرء سورة كامله من القرآن الا اذا كانت مقرره عليه بامتحان الدين او العربي ساعتها حتى النصارى بيحفظوها 

كلنا نقول ان لا اله الا الله ولكنا لسنا كلنا نعمل بها او لها 

خطر ببالي انو الشيطان نفسو انطرد من الجنه لأنه خالف ربنا وعصاه في امر السجود لآدم وتكبر وقال خلقتني من نار وخلقته من طين فكان عقابه ان طرده الله من الجنه ولعنه الى يوم الدين 

كان هذا ذنبه 

اليوم نحن نعصي الله بعدم السجود لله ...لا صلاة لا قرآءة قرآن لا عباده الا من رحم ربي 

الكل مهتم بوظيفته بشغله 

كل ما يهمنا هو مصدر دخل ولازم يكون عالي 

اهتماماتنا اصبحت دنيويه زياده عن اللزوم 

مش عارفه ماذا ننتظر ؟؟؟

ومن ننتظر حتى يخرجنا من هذه الحاله التي نعيشها 

اقل ما فيها انو نرجع للدين ويصبح الدين اول اهتماماتنا ضروري