أنا كائن يملئني الحب ....أو اللاحب ...بلا كراهية

صورتي
amman, jordan
قليل من كل شيء,,,,تجارب ,,,خبرات,,,,الالام ,,,أفراح ,,مسرات ,,,ايام مضت ,,سنين جرت معهاسنين,,,,,راضيه عن نفسي ,,,ارجو رضى الله.................... تجاربي وخبراتي دفعت ثمنها سنين العمر ..ولا أدري هل أستفدت ام لا ...أنا مجرد هنا ,,,,,,,,,,,,,,,,,,,,,,,,,,,,,,,,,,, Do just once what others say you can't do, and you will never pay attention to their limitations again. James Coo

الأحد، أكتوبر 10، 2010

قبل أي كلام قولوا آميييين يا رب 
بره وبعيد ومن غير شر وبعيد الشر كلها كلمات تقال لأبعاد إشي بيخوف 
قلتوا آمين ؟؟؟ذكرتوا الله ؟؟؟صليتوا على النبي ؟؟؟لا اله الا الله وصلى الله على محمد وعلى اله وصحبه اجمعين ,,,,بلشتوا تروحوا بشوف خلص  خلص خليكوا هون هيني بدي ابلش اكتب الموضوع ,,,صدقوني عجبني وانا عم بكتبه كيف انتوا هلا بتشوفوا 
بسم الله الرحمن الرحيم 
لو لا قدر الله في يوم من الايام أصابني هداك المرض (طبعا نحنا بالاردن بنخاف نقول سرطان )وهو مرض خطير شو الي رح يصير ،دكاتره اشكال وألوان ,,وتحاليل ,,,ومختبرات ,,مستشفيات ,,,وعيادات ,,وشيوخ ومعالجين نفسين ومرافقين طبعا الزوج رح يكون المرافق الاول دائما والا ياخدها لحم ويرميها سرطان المهم رح يتوقف كل شي بالبيت ازا كانت الام مريضه لا طبخ لا غسيل,,لا كوي لا فطور غدى عشى ,,,الام اكتر الاوقات عندها مراجعات للدكاتره ,,,الاعمال كلها متراكمه فوق بعض ,,بعدين زيارات من الاقارب شفتوا فلانه مسكينه تعبانه والله ,,شو مالها معاها هداك المرض ,,,له له له مسكينه والله انها كويسه ما بتستاهل يلا نصيبها ربنا يشافيها ...المهم هاد كله لو بدنا نحسب تكاليفه أديش بتتوقعوا يا جماعه بيعادل ؟؟
أنا بقول مو أقل من خمسة الاف دينار تقريبا ويمكن بعد هاد كله الام تموت بهداك المرض يعني عالفاضي وكمان بدي رحلة حج سريع قبل الوفاة يعني بدها اقل شي اربعة الاف دينار
بالمقابل الخادمه بتكلف بس الفين دينار مع شوية مشاوير واحنا بنضحك ومبسوطين على وزارة العمل والاقامه والتنمية الاجتماعيه مع شوية مسبّات من زوجي على هادا وهاداك
عشان نجيب تخفيض كوني معي اكزيما بالجلد وهاد عليه خصم المهم الفين دينار وبتيجي الشغاله وانا بكون مبسوطه وبتفرغ لزوجي ولأولادي وبطبخ احلى طبخات وبتفرغ للنت وكمان بروح نادي جيم وكل شي بيكون عال العال 
كله هاد بالفين دينار يا جماعه بس الفين دينار !!!!
شو رأيكم ؟؟مين بيقدر يوصل الرساله لزوجي العزيز الغالي 
ويقول  له اكسب صحة مرتك وجيب لها خدامه وريح بالك وبالها 
وتصبحوا على خير