أنا كائن يملئني الحب ....أو اللاحب ...بلا كراهية

صورتي
amman, jordan
قليل من كل شيء,,,,تجارب ,,,خبرات,,,,الالام ,,,أفراح ,,مسرات ,,,ايام مضت ,,سنين جرت معهاسنين,,,,,راضيه عن نفسي ,,,ارجو رضى الله.................... تجاربي وخبراتي دفعت ثمنها سنين العمر ..ولا أدري هل أستفدت ام لا ...أنا مجرد هنا ,,,,,,,,,,,,,,,,,,,,,,,,,,,,,,,,,,, Do just once what others say you can't do, and you will never pay attention to their limitations again. James Coo

الجمعة، مارس 18، 2011

ليش بس الوقت يمر !!!!!!!!!!

ليش بس نعيش اللحظه ما بنعيشها بكامل تفاصيلها ؟؟؟؟
ليش لمن نلتقي بناس بنحبهم ما بنقعد ونضحك ونحضن ونحب فيهم قد ما بنقدر ؟؟؟؟؟
ليش دايمن ما بنقدر الوقت بس يكون بين ايدينا وبس يخلص ويروح بنطلع ورانا وبنتحسف على الي ضيعناه ؟؟؟طيب ما هو كان بإيدنا نفرح وننسعد فيه
مثلا أطفالنا .....ما بنستمتع بحضنهم بدفا قلوبهم الصغيره ...بكلماتهم الحلوة وتصرفاتهم البريئه
نادر ما ألاقي ام او اب بيحضن ابنه بعطف وبيبوسه وبيحن عليه
في طبعا بس قليل
وبيكبروا الولاد وبنصير نتطلع على ولاد الناس التانيين وبدنا نحضنهم ونبوس هم طيب ليش ؟؟؟؟
انا بحكي عن حالي
ليش خليت غسيلهم وطبيخهم ودراستهم تلهيني عنهم عن جوهرهم ليش
بس الحمدلله ربنا عطاني فرصه جديده وهلا بلشت اعيش الامومه من جديد
الحمدلله مع رنيم
المهم خلونا نعيش كل لحظه بلحظتها وننبسط بنعم ربنا علينا
يعني الي عنده وظيفه حلوة ما يضل يقول شغل شغل وقرفان فلان وعلان ...لا ينبسط بشغلوا ويحاول يجعله من اسباب السعاده ويشكر ربنا انو عنده شغل ووظيفه وناس حواليه
خلينا نحب كل شي بين ايدينا
وهاي علاّقات عشان تعلقوا .........
يلا علقوا 

هناك 10 تعليقات:

Dreamy Villager يقول...

ألف مبروك ولادة الحلوة رنيم..وتتربى بعزكم إن شاء الله :‏)‏
بعرفش ليش..ومع اني ما كنت قارئيتلك إلا تعليق عند ويسبر..بس ما توقعت انك جدة..تخيلتك بتدرسي بالجامعة :‏)‏

غير معرف يقول...

اسعد الله اوقاتك واسعدكم جميعا بالحفيدة الله يخليها الكم
الوقت يمر سريعا لأن حياتنا تتسارع باكثر مما نحتمل
لاننا لم نتعلم ان الوقت من ذهب فذهب الوقت بنا ونحن نلهث خلفه وسنستمرالى ان يدركنا الاجل
انتزعت البركة من كل شيء ليس من الوقت فقط ولحظات السعادة والفرح تقزمت امام عملاق الهم والغم الذي يحيط بنا من كل جانب
المحزن يا صديقتي انه عندما يصبح لدينا الوقت لاحتضانهم وحبهم يكون الوقت عندهم لايسمح فهم بعجلة من كل امورهم
كما كنا نحن
ربيع

Haitham هيثم Al-Sheeshany الشيشاني يقول...

نيييييييييييييييييالها رنيم :)

الله يحفظها و تشوفوها عروس

بتوقع إنا بنتعود على الروتين و أعباء الحياة و .. و ..

بننسى الأشياء المهمّة .. ما بننتبه إلا بعد فوات "معظم" الوقت !

UmmOmar يقول...

عيشي اللحظه,, بأدق تفاصيلها" حتى بغيار الأواعي الوسخه "

بحب أطفالي,, بحب لعبهم وغلبتهم
بحبش أحضن حدن تاني,, من الاطفال
إلا ما ندر
أطفالي أحق بحضني وأدي أكتر منهم

الله يخليلنا أحبابنا,, ونعرف نعيش ونتعايش بوجودهم

والله يخليك حفيدتك يارب,,

kholood يقول...

القروية الحالمه
شكرا غاليتي على المرور ...صحيح لسه بتعرفيش هيك كنّا نحنا كمان بنعرفش ولا بنحاول ننمسك الزمان عشان نعيش لحظاته وفجأة لئينا حالنا بنسأل ليش
عيش اللحظه متل ما بتقول ام عمر حبّي كل شي بتعمليه وأعملي كل شي بتحبيه بس ما يكون بيخالف شرع ربنا
حبيبتي تكبري وتصيري ام وتصيري جده كمان يا رب

kholood يقول...

ربيع ...أسعدني مرورك كما دوما الله يسعدك
الوقت بيتسارع لأننا ما بنمسك فيه ونعيشه... لا دايمن عينّا على الجاي قدام مع انا مو عارفين شو هوه ....ودايمن ما بنتمسك بالأشي الي هوه النا وبنفكر انو الي مع غيرنا أحسن مع انو الي عنّا أحلى وأجمل بس نحنا ما بنعرف قيمته ...الا متأخر وأن شاء الله ربنا يباركلنا فيه وننسعد في حياتنا ...أسعدني مرورك

kholood يقول...

هيثم ....الله يحميك يا رب
أنت واقعي ومرن في التعامل مع الكل
ما شاء الله عليك فهمان الحياة
سلامي لهيومه ومامتها كمان الله يخليكم لبعض

kholood يقول...

ايون ...ام عمر ...هيه ..هيه ...أم عمر
أهلا وسهلا فيكي أصلاطن الموضوع كله عشان اشوف ردك انتي شو رح يكون بحب افكارك كلها سلبيتها وايجابيتها
أحبك في الله يا ام عمر
كلامك حلو وبينعنش القلب وبيعلمني كمان الله يسعدك
ردك رح يكون من المراجع الي رح ارجعلها على طول
صباحك سكر

Haitham هيثم Al-Sheeshany الشيشاني يقول...

الله يسعدك
لا فهمان و لا ما يحزنون :)

أنا بحس إنو لازم نتوقف كل فترة و فترة و نشوف "وضعنا" بهالحياة - مرات بنكون مفكرين إنا بمسار ما بس تطبيقنا بيكون بعيد

بيلزمنا إعادة شحذ كل فترة :)

UmmOmar يقول...

أحبك الذي أحببتني فيه
:)