أنا كائن يملئني الحب ....أو اللاحب ...بلا كراهية

صورتي
amman, jordan
قليل من كل شيء,,,,تجارب ,,,خبرات,,,,الالام ,,,أفراح ,,مسرات ,,,ايام مضت ,,سنين جرت معهاسنين,,,,,راضيه عن نفسي ,,,ارجو رضى الله.................... تجاربي وخبراتي دفعت ثمنها سنين العمر ..ولا أدري هل أستفدت ام لا ...أنا مجرد هنا ,,,,,,,,,,,,,,,,,,,,,,,,,,,,,,,,,,, Do just once what others say you can't do, and you will never pay attention to their limitations again. James Coo

الأحد، ديسمبر 26، 2010

مساء الخير ,,,,صباح الخير ,,,,السلام عليكم ورحمة الله وبركاته 
واجب تدويني ,,,مع اني ما بحب اكتب واجبات,,,وعمري ما أخدت علامه كامله,,,ودايمن واجباتي كنت مقصره فيها 
أعتقد لحد هون وبيكفي ,,,عذاب ,,,عذاب ,,,عذاب ليه يا دنيا العذاب ,,,طبعا بصوت فريد الاطرش 
اعتقد اخدتو فكره عني وانا تلميذه ,,,مش منتظمه ولا منظمه ,,,بس هيه روح المرح وطبيعتي الاجتماعيه كانت تحبب الناس فيي
وطيبة قلبي طبعا(الحمدلله) لسه موجوده
المهم من المواقف الي بتزكرها وانا صغيره نزول فلم خلي بالك من زوزو ,,,,,فلم عملولوا دعايه غير شكل وكونا سكان الزرقاء وعنا سينمات كثيره يعني بتزكر فوق العشر يمكن او 8 هيك شي المهم نزل الفيلم والناس بلشت تحكي عنو وكان قبلوا نازل فلم ابي فوق الشجره 
إلي أساء للسينمات طبعا لأنه يحتوى على عدد من المشاهد الي هيه كانت ولا زالت تغضب ربنا بس بيضلوا يقولوا تمثيل ,,,نزل الفلم في وقت سيء السمعه للسينمات ,,,وانا كل ما أمر من عند سينما بشوف دعايات وناس فايته طالعه من السينما وسعاد حسني وحسين فهمي يعني اشي اشي ووووأغاني ورقص ,,,يعني فلم ما بيتفوت ابدا ,,,والدنيا عيد ,,,,طبعا كنا قبل نروح مع أخواتنا الكبار ياخدوا منا عيدياتنا كلها ويقطعوا منها تذاكر إلهم الكبار ويشتروا بزر وسندويشات وبيبسي وكل شي ونحنا نفوت عالسينما تهريب طبعا لأنو ممنوع الصغار يفوتوا ,,,المهم ما لئيت حد ممكن ياخدني عالسينما ,,,,لأنو ممنوع ولازم احضر الفيلم ,,,,اجتهدت وقطعت فتوى لنفسي ,,وجمعت البنات الي اكترهم اصغر مني ,,,ورحنا السينما ودخلنا الفيلم بس رحنا حفلة المساء عالساعه السادسه طبعا زمان كانت السينما تعرض اول فلم اجنبي كاوبوي وبعدين فيلم كراتيه وبعدين رومانسي وكل هاد الوقت ونحنا جوه السينما وساعه تروح وساعه تيجي والي صارت تبكي بدها تروح والي بتقول لي هلا اهلي بيدبحوني بس انا حجايه احضر الفيلم خلي بالك من زوزو ومن السادسه للساعه الحاديه عشر وطلعنا من السينما وروحنا بنص الليل ووصلنا الحاره وشفنا الحي مقلوب فوقاني تحتاني والكل بره من آباء ةابناء وأمهات والرعب على وجوههم وتعالوا شوفوا وجهي كيف صار اصفر اخضر بيتنجاني طبعا هاد لسه من الخوف 
وبلعت ريقي 
واتقدمت لازم اكمل دوري البطولي ,,,طبعا قبل ما احكي اي شي كان السؤال وين كنتوا ,,,,بالسينما كنا عم نحضر فيلم خلي بالك من زوزو ,,,,وهات يا ضرب جماعي وشد شعر وقتلة من الاخر اشي شلاليت اشي كفوف اشي قرص وما بعرف من وين كان الضرب ييجي ,,,يعني تلاته ايام وانا كل يوم بتبهدل وما حد قدر اني بحب الفن ولا السينما وما حد قال يا جماعه البنت موهوبه 
لو اني طلعت فنانه مشهورة وحكيت القصه هاي كان اعتبروها نضال مشرف في سبيل الفن 
المهم تنسوش انو سمعتي ساءت جدا في الحاره وأصبحت امشي وأصابع الاتهام توجه لي إني بنت شريره ومش مربيه 
بس احكيلكم شي 
الفيلم كان بيستاهل 
ولسه بحب احضره 
وبحب السيما ,,,وبدي احضر فيلم قريب ان شاء الله 

هناك 8 تعليقات:

sheeshany يقول...

:]]]]

ضرب و كفوف و شلاليت ... هذا كله تعبير عن الحبّ الكبير + الخوف

أنا عمري ما رحت على سينما بالزرقا، على أيامنا كانت معظمها مسكرة (فلست) + السمعة السيئة عنها أوقاتها

بتذكر الجيل اللي قبلنا كانت روحة السينما عااادي و متكررة

يلا بانتظار الفيلم الجاي :)

*** وين واجبي! فعلا ً اللي عنده عادة ما بغيرها :PPPP

ترا بترسبي إذا ما بتحلي قبل يوم الثلاثاء!

:]]]

Em Ommar يقول...

ع دوري,, كانت السينمات بالزرقا مكان " غلط" حتى المرور من جنبها كان شي مش حلو

خاصه السينما إلي قبال المجمع الداخلي


صباحو بطوطه

نيسآان يقول...

الحمدلله على السلامه
حدا بيسترجي يفوت ع سينما بالزرقا؟
لا وساحبه معك البنات ....عشان تحرز القتله
المهم طلعتي من السينما بخير انتي والبنات
والشلاليت ...بسيطه...فدا عيون سعاد وحسين

محمد التركى يقول...

السلامو عليكم

أنا تقريبآ فهمت الكلام مع انى مش قوى فى اللهجات العربيه المختلفه
بس ها اجتهدت وفهمت

كل ده علشان خلى بالك من زوزو النوزو كونوزو
ههههههههه

ياخلود
ياعنى فيلم ابى فوق الشجره اساء للسنما
وفيلم خلى بالك من زوزو هو اللى مش اساء ياعنى
الاتنين اسوء من بعض

احنا بقى فى مصر بندخل السنما برحتنا
احنا هوليود العرب
اصلى مصر بلد الديمقراطيه
ههههههههههه

حلوه النكته دى صح

مستنى البوست القادم اكيد هيكون مبدع زاى عادتك

تحياتى لشخصك الطيب

محمـــد التركـــى

kholood يقول...

شو كانت حلوة الليالي ,,,والهوا يبقى نطرنا
هيثم بيضل الفن الو ضريبته
وانته ما بتعرفني من صغري بحب الفن
طبعا السمعه ساءت بعد القتله تبعتي ,,,وكمان بلشت التلفزيونات تنتشر كتير والملون ويعني بلاش احكي اكتر من هيك تعرفوا اديش عمري خلص
بس looooooool على رأيك شكرا على المرور الطيب

kholood يقول...

ام عمر ,,,اظني انتي بتحكي عن سينما رغدان هيك شي يمكن وفي سينما النصر والسينما الحمرا
وهيك شي,,,هلا اجى ابني ولازم اطلع بكره بكملك
الحكي

bastokka طهقانة يقول...

يا حرام.. مسكينة
كنت ضحية صدقك و ضحية زوزو
لذيذة جدا
تحياتي

yosef يقول...

وسينما سلوى

كمان

تحياتي لكم جميعا

شقاوة الاطفال عادة احلى ما فيهم