أنا كائن يملئني الحب ....أو اللاحب ...بلا كراهية

صورتي
amman, jordan
قليل من كل شيء,,,,تجارب ,,,خبرات,,,,الالام ,,,أفراح ,,مسرات ,,,ايام مضت ,,سنين جرت معهاسنين,,,,,راضيه عن نفسي ,,,ارجو رضى الله.................... تجاربي وخبراتي دفعت ثمنها سنين العمر ..ولا أدري هل أستفدت ام لا ...أنا مجرد هنا ,,,,,,,,,,,,,,,,,,,,,,,,,,,,,,,,,,, Do just once what others say you can't do, and you will never pay attention to their limitations again. James Coo

الأحد، مارس 20، 2011

عيد الام ...عيدي انا .....

كنّا دائما ما نحضّر للإحتفال بعيدها ....ونبدء بالتجهيز للأمر فيما  بيننا ...وبدون أن نشعرها بذلك ...إتصالات تلفونيه وترتيبات ...من بعيد لبعيد ...وكانت هي تشعر بذلك بفطنتها ...وكانت تفرح ...(وطبعا تعمل حالها مو عارفه مع انو كان يبين عليها من بريق عينيها )لأنها كانت تحب أن تكون على رأس اولوياتنا كما نحن بالنسبه لها ...كانت تحب أن ترى حبنا لها في عيوننا دوما ...لأننا كنّا عالمها كله ومحيط حياتها يبدء بنا وينتهي بنا أيضا...كنت أرى ابتسامه خفيه خلف عيونها تقول ...اتمنى أن تحتفلوا بي بكل الحب والحنان .. ....ولأنكم تسكنون قلبي ومهجتي فأنا أستحق منكم أن تفرحوا بي ...لأني أحبكم
وهكذا تتم الترتيبات ...ودائما في ظروف محصوره بضيق ما في متناول أيدينا....ونحاول ان نحدد ما هي بحاجه له ..من أدوات كهربائيه...منزليه ...شغلات بالاخر رح تستخدمها أوقات ما نطب عليها مع اولادنا بلا احم ولا دستور ....وطبعا مقابل الاحتفال ...نتعشى ونتحلى ونسهر معها وبعدين نروح ....سبحان الله
كم فرحت هي بأول عيد أم بعد زواجي ...إذ كانت هديتها ....زوج أساور ذهب البستها إياها مع قبله على يديها...وتحية من زوج أبنتها الممول للهدية ...الغير متواجد بنفس اللحظه ....لتنهمر الدموع في مقلتيهاوترتسم ابتسامة خجل وفرح وتقول ....انتم أول من البسني الذهب بحياتي   لم يكن قصدها الذهب ولكن كان المعنى انتم اول من أحضر لي كشخصي انا هديه ...يعني مو طنجرة ولا مقلاية تيفال أصلي ...لا مصدر مادي قد تجتاجه في اي وقت وممكن أن تتصرف فيه براحتها سبحان الله
خلينا نخلي الهديه عباره عن مبلغ في البنك ...او قطعة ذهب لها حرية التصرف فيها ...او باقة ورد جميله ....ترحمة الله عليكي يا أمي
رحمة الله عليها
اليوم دار الزمان وجسلت انا على كرسي الام والحماة...لأصبح الشخص المهم في هذه المناسبه
طبعا بعرف انو حرام مع إني عندي نظرة تانيه للموضوع بس مش رح افتي
جميل أن يحتفل بك وجميل أن تشعر بجزء نقطه من الاعتراف بعطائك ...ولكن مبدء الهدايا غلط ..او أن إدخال موضوع الهديه في هذا الاحتفال الرائع هو ما يؤثر سلبا في الموضوع
لأن المناسبه أعظم وأرقى وأكبر من إي هدية
قبلة من شفاة ممتنه على جبين الام قد تكون أعظم هديه
نظرة حنان لتلك الام قد تكون أحلى هدية
أن تمسك يد امك وتقبلها برفق وحنان قد تكون أحلى هدية
إجتماع العائله واتفاقها  قد يكون أعظم هديه
ولكن ليس من السهل ذلك
وقد يكون من النادر جدا جدا
أن يتحقق ذلك في هذا الزمن الغريب
هديتي كأم في هذا الزمن هي ...أن أرى أولادي يرفلون باثواب السعاده ...أن أرى السعاده في حياتهم ...
لا أريد أي هدايا ماديه ....الهدية الوحيده التي اريدها هي من الله ...ان يوفقهم ويهديهم ويصلح حالهم
مع اني في عيد الام الماضي وضعت قائمة على الثلاجه بالاشياء التي احتاجها واللبيب من الاشارة يفهموا
ومن ضمنها كان مجموعة كريمات لوريال ....من  ضمنهم كريم يجعلك تبدين أصغر عشر سنوات
وطبعا حصلت على المجموعه كامله وبدون تعب
الله يخليهم يا رب ويرزقهم السعاده والدين يا رب
وكل عيد وأنا وأنتم بخير وسعاده وهدايا
بديييييييييييييييييش كعك


هناك 20 تعليقًا:

sheeshany يقول...

الله يخليلك إياهم و يخليكي إلهم :)

yosef يقول...

كل عام وانتِ والجميع بخير

وان شاء الله ينعاد عليّكِ

وعلى الجميع وانتِ وهم بالف خير

نيسآان يقول...

كل عام وكل الامهات بخير
كل عام وانتي بخير يا حنونه

حلو التقدير والحنان وكلامك كلو ع بعضو عسل واحلى من العسل....بس برضو بدي جوز اساور ذهب هههههههه....ماديه انا!!!...نعم....ما عاد يرضيني التقدير ,حاف .

نيسانه

Whisper يقول...

كل عام وانت بالف خير...العيد هاد عيدين من ابناءك ومن الحفيده الجديده ربنا يخليلك اياهم كلهم و يخليكي الهم

ماما الفلوس ما بمشي معها لانها بتصرفهم علينا بطريقه او باخرى فافضل شي اني اضل استنى الفرصه اللي تحكي انها بدها شي الها او للبيت و بكون هو الهديه :)

kholood يقول...

هيثم الشيشاني مساء الخير
وربنا يخليلك أمك يا رب ويعطيكم الصحة والعافيه عشان تسعد امكم فيكم يا رب وكل الايام تكون أعياد عشان نضل نكتب ونعبر
اسعدني مرورك بارك الله فيك
ودير بالك على حالك عشان الوالده تكون مرتاحه ومبسوطه

kholood يقول...

يوسف ...مساك سكر وصباحك كمان
الله يسعدك ويبارك فيك
تعب قلبي من المشاعر والشكوى لغير الله مذله
ربنا يكون في عوننّا
ويقوينا ويقدرنا على متابعة المشوار بكل الحب يا رب
بس قول يا رب
اسعدني مرورك صديقي يوسف
وصديقنا كلنا

kholood يقول...

نيسانتي الغاليه
لو أنك مو أصغر مني كان قلت لك ماما الحنونه ...
انتي بتعرفي شو قالت رزان ابنتي الصغيره ...إنو أزا ماتت ماما ممكن أعيش عند صديقتها نيسان ...يعني انتي البديل الوحيد إلي
الله يخليلي ياكي يا رب
يا أحلى وأطيب قلب

kholood يقول...

ويسبروا ويسبرتي انتي
ويسبري وويسبري خلينا نسمع هماستك
يا رب يخليك مامتك وبابتك يا رب وما يحرمك منهم ويزوجوكي ويفرحوا فيكي وفيكم كلكم يا رب
ولو .....أنا بئولك شو بيفرحها ماما
خديها أعزميها على مطعم سينما كوفي شوب أي مكان وأمسك فيها وهيك خليكي قريبه منها هاد الشي بيسعدها
تسلمي يا رب عالمرور العطر الرائع كروعتك

نيسآان يقول...

بعيد الشر عن قلبك ....الله يخليكي فوق راسهم دايماً

في اقتراح احلى...ممكن اجي اعيش عندك انا يومين؟؟؟وتيجي هي هون بدالي ههههههههه

LioneSS يقول...

طب اعطيني انا الكعكات D:

كل سنه و انت سالمه يارب و يضلوا احبابك منورين حياتك و انت منورة حياتهم :)

الاحلام يقول...

كل سنه وانتى طيبه ام وتيتا كل سنه وانتى بخير وسعاده
ويارب يارب العام القادم تكونى حققتى كل امانيكى واحلامك
تقبلى مرورى وتحياتى الاحــــــــــلام

همس الحنين يقول...

صباحك سكر تيتا خلود
اممم مابعرف صرت بخجل اقول خلود حاف يمكن من باب الاحترام والتقدير بالمناسبة عمري 22 سنة مابعرف لو بينفع اقولك ماما او تيتا او خلينا اصحاب ونقول خلود شو بتحبي انا جاهزه هههه
طبعا دمعت عيني متل عادتي لانه الاخت بكاية كتير ويمكن لانه الحساسية الزايدة يلي عندي بتتعبني وبتتعب الناس الي بحبها وتحبني بس بتعرفي ليه دمعت عيني يمكن لما قلتي عن امك الله يرحمها قديش بخاف من فقدان الام ويمكن لانه فقدت والدي رحمة الله ووجودك بدون والدين بيخوف كتير بعرف ثرثرت عليكي بس صدقيني مابعرف اكتب غير الي بقلبي بحب مدونتك كتير لانها صادقة وعفوية جداً وبحس بحنانك وقلبك الكبير بتمنى يارب يسعدك ويخليلك ولادك وحفيدتك الامورة ويارب تضلي منورة حياتهم لانك اغلى حاجة بيمتلكوها في الوجود ..
وهلا سامحيني بدي قدم لك هدية صغنونة كتير مابعرف لو راح تعجبك ..
بس لازم نحتفل فيكي كمان لانك ام
ربي يحفظك ..
http://www.youtube.com/watch?v=jU6m-MAiT68

على قد ماسمعت اغاني عن الام بحس مافي اغنية للام بتهز مشاعري وعيوني قد ست الحبايب

وهاي بوكية ورد وكمان امووواااه على راسك

http://zoom.maktoob.com/showImage.php?ImageID=1000095182&ampsize=

وكل سنة وانتي سالمة يارب

بنتك او اختك او صاحبتك
حنين
تحياتي

kholood يقول...

همسه الغاليه حبيبتي هموسه يا عسل انته
قوليلي خلووود حاف حبي لأني انا ناويه اخلي أمورتي رنيم تقول لي خوخه تيتا خوخه حلو صح ؟؟؟
انتي قوليلي خلود ولا يهمك صاحبات احنا صح ...على فكره عندي شاب من جيلك مواليد 88 يعني نحنا اجيال ماشي
الله يسعدك يا رب وصدقيني رح اكون لك أحلى صديقه ولا يهمك
بتشرف بصداقتك يا عسل انتي
وانا ما كنت بدي افوت بس تعليقك خلاني اسجل دخول وافوت مشانك انتي وبس
وشكرا يا قمر على الاغنيه

الموسوعة الحرة يقول...

السلام عليكم...
مدونة ادبية جميلة ومتنوعة...سررت كثيرا بالتعرف عليها...
دمت بخير...

العــــابر يقول...

السلام عليكم
كل عام وانت طيبة
وكل عيد وانتم بخير
وشكرا لانك قصيتي شريط التعليقات عندي وفتتحتيها بتوفيعك(دعوتك لنا)
مدونتك جميلة

kholood يقول...

اوبن بوك
وعليكم السلام ورحمة الله وبركاته
ويشرفني معرفتك ومرورك الكريم على مدونتي
بارك الله فيك

kholood يقول...

العابر ...مساء الخير
لي الشرف بكوني اول الموجودات بمدونتك ...ويسعدني ان اكون اول من تشرفت بافتتاح المدونه
بارك الله لك بها ونفعك ونفعنا بها

Em Ommar يقول...

قرأتها هلأ هلأ لأول مره
ينعن إخص شووووووووووو حلوه :(

sheeshany يقول...

يطعمك الكعك و الناس صايمة!

إه!

Em Ommar يقول...

أكلت كعك إمبارح ت طلع من أذني ولله الحمد
الدور والباقي ع المقاطيع امثالك

نيهاهااهاهاهاهاهاا

والصيام بعد بكره يا شيخ :)